Wapinzani wa yanga kwenye raundi ya kwanza ya michuano ya vilabu bingwa afrika timu ya Township Rollers imekiri kwamba, inawafahamu vyema mabingwa wa ligi kuu Tanzania bara Yanga baada ya kupitia mechi zao nne mbili za nyumbani na mbili za ugenini.
Kocha wa Township Rollers Nikola Kovazovic amesema kutowajua vyema wapinzani wako katika michuano mikubwa ya Afrika kunaweza kupelekea kushindwa kupata matokeo chanya.
“Nimekuwa nikifuatilia soka la Afrika, kabla ya mchezo wetu na Yanga tumeangalia michezo yao minne miwili ya nyumbani na miwili ya ugenini hivyo tunafahamu tutacheza na mpinzani wa aina gani”-Nikola Kavazovic, kocha mkuu Township Rollers.
“Kwenye michuano mikubwa kama hii ya Caf Champions League kama hujui chochote kuhusu mpinzani wako utakuwa kwenye wakati mgumu kupata matokeo kwa hiyo hii itatusaidia kupata matokeo chanya kwenye mchezo wa kesho.”
Kocha huyo pia amesema anafahamu baadhi ya timu za Tanzania:”Mbali na Yanga nafahamu pia kuhusu timu za hapa kama Simba na Azam.”
Nahodha wa timu hiyo Maano Ditshumpo amesema wachezaji wote wapo tayari: “Tupo tayari kwa ajili ya mchezo wa kesho dhidi ya Yanga”
0 Comments:
Chapisha Maoni