Dereva kutoka timu ya magari ya Mercedes Benz, Lewis Hamilton, ameibuka kinara kwenye mbio za kuwania ubingwa wa magari duniani za Formula 1, jana kwenye mbio za Azerbaijan Grand Prix.
Huu umekuwa ushindi wa kwanza kwa Lewis Hamilton, katika Formula 1 msimu huu na ameupata baada ya dereva mwenzake wa Mercedes Valtteri Bottas, aliyekuwa akiongoza mbio gari lake kupata pancha mwishoni.
Kwa upande wa dereva wa timu ya Ferrari Sebastian Vettel, alidondoka kutoka nafasi ya pili kwenye mbio hizo zilizomalizika jioni hii hadi kumaliza nafasi ya 4 baada ya kufanya makosa wakati akijaribu kumpita Bottas kwenye kona.
Hamilton ameibuka mshindi huku namba mbili akishika Kimi Raikkonen kutoka Ferrari na Sergio Perez wa Force India akishika namba 3. Bottas yeye ameangukia nafasi ya 14.
Madereva wa Red Bulls Maxi Verstappen na Daniel Ricciardo, waligongana na kuwafanya kumaliza mbio katika nafasi ya 16 na 17. Hamilton anashika usukani katika msimamo wa maderava akiwa na pointi 70 huku Vettel akishika nafasi ya pili na alama 66.
0 Comments:
Chapisha Maoni