USHAHIDI WA KESI ZA UKATILI WA KIJINSIA WAKWAMISHA MAMBO KAHAMA

Jeshi la polisi  kupitia dawati la jinsia katika halmashauri ya mji wa Kahama mkoani Shinyanga limesema katika kushughulikia matukio ya kikatili limekuwa likikabiliwa na changamoto ya mashahidi kutokufika mahakamani pamoja na wahanga wa matukio hayo kutoroshwa.

Akisoma risala kwa mgeni rasmi mkaguzi msaidizi wa polisi dawati la jinsia Zainabu Mangala amesema kumekuwa na changamoto kadhaa ndani ya jeshi katika kutekeleza majukumu yake miongoni ni kukosa gari la kusaidia kufika katika matukio kwa wakati.

Kwa upande wake afisa maendeleo ya jamii halmashauri ya mji wa Kahama Robert Kwela amesema katika kipindi cha nusu mwaka 2019 kuanzia mwezi Julai hadi Disemba ofisi yake imepokea mashauri ya ukatili 651 na kwa kushirikiana na jeshi la polisi yamefanyiwa kazi.

Kwa upande wake mkuu wa wilaya ya Kahama Anamringi Macha amesema licha ya changamoto hizo kulikabili jeshi la polisi analiomba lisikate tamaa kushughulikia matukio ya ukatili kwani yanapaswa kukomeshwa katika jamii.

 Jeshi la polisi katika halmashauri ya mji wa Kahama limeadhimisha kilele cha siku 16 za kupinga ukatili wa kijinsia kwa wanawake na watoto yaliyofanyika katika Bwalo la polisi huku mgeni rasmi akiwa mkuu wa wilaya ya Kahama Anamringi Macha.

Na Paschal Malulu

Share on Google Plus

About huhesofm blog